Ыҥырабыт «Үрүҥ хаар алгыһыгар»
Литератураны таптааччы бар дьоммут! "Үрүҥ хаар алгыһа" норуоттар икки ардыларынааҕы IV-с фестиваль тэрээһиннэригэр биир бэйэҕит биэсуон буолан, поэтическай-романтическай дууһалаах үөрэ-көтө кэлэргитигэр ыҥырабыт!
Алтынньы 19 к. 18 ч. "Сэргэлээх уоттара" культура киинигэр фестиваль үөрүүлээх арыллыытыгар уонна буруолуу сылдьар "Татаар аныгы поэзиятын антологиятын" сүрэхтиир уонна саха биллиилээх суруйааччылара кыттыылаах "Тыыннаах автографка" ыҥырабыт.
Поэзияны уһулуччу таптааччылары алтынньы 20 к. 17 ч. Национальнай библиотека историческай саалатыгар поэзия дьоро киэһэтигэр күүтэбит!
Быйылгы фестиваль ыалдьыттарынан Удмуртия тыыннаах классига, народнай суруйааччы Вячеслав Ар-Серги, Словения бастыҥ авангардист поэта Андрей Хочевар, Түүр тыллаах эдэр суруйааччылар норуоттар икки ардыларынааҕы түмсүүтүн салайар Азербайджан поэта Акбер Гошалы, Татарстан бастыҥ эдэр поэта Рифат Салах, Россия Бунинскай премиятын дипломана, "Литературная газета" "Многоязыкая лира России" бырайыагын шеф-редактора Анастасия Ермакова, Украинаҕа байыаннай конфликт буола турар сирдэригэр литературнай десаннары тэрийэр Алексей Полубота, о.д.а. поэттар буолаллар.
Кэлин, истиҥ, сэргээҥ, билиҥҥи кэм чулуу поэттарын кытта алтыһыҥ, автографта ылыҥ!
Тэрийээччилэр: Саха сирин Суруйааччыларын сойууһа, "Саха сирин суруйааччыта" ассоциация, М.К. Аммосов аат. ХИФУ, Культура уонна духуобунай сайдыы министерствота.
