Улар Моисеев
Үйэлэргэ Ил Дархан Михаил Николаев кэриэһигэр
|
Кини сырдык сарыала Санаабытын сырдатыа, Саха сирдьитэ аатыран Үйэлэри уҥуордуо! Кини кэрэ мөссүөнэ Сүрэхпитигэр баар буолуо, Ыччаттарга кэс тыла Инникибитин түстүөҕэ! ...Аны төрүө дуо? Дьүһүннүүн-бодолуун, көрөрдүүн-истэрдиин Киһи көрөн астынар, Маннык кэрэ ураанхай! Аны үөскүө дуо? Түс-бас тыллаах, Тойон мааны көрүҥнээх Маннык саха бастыҥа! Аны ханнык Салайааччы, Үйэлэргэ номох курдук, Кэпсээнтэн кэпсээҥҥэ сылдьар Килбиэн суолу хаалларыай! Аны ханнык Баһылыкпыт Атах тэпсэн олорон, Барыта норуотун туһугар Улуу Арассыыйа Ыраахтааҕытынаан Тэбис тэҥҥэ кэпсэтиэй! Аны ханнык Тойоммут, Ханна да сырыттар, Барытын мындыр өйүнэн, Саха сытыы хараҕынан, Норуоппар туһалаарай диэн, Көрө -истэ сылдьыаҕай! Аны ханнык Сирдьиппит Ыччаттарга Таҥара курдук, Суолларын ыйан-кэрдэн, Үөрэҕи-билиини сырыһыннаран, Сайдыы суолугар үктэннэрэн, Саҥа көлүөнэни үөскэтиэй! ...Норуотун иннигэр үтүөтүнэн Тэҥнэспитэ ахсааннаах. Оҥорбут сүдү дьыалалара, Ситиспэтэх ыра санаалара Үйэлэргэ ылланыа! Сыыспыт да буоллаҕына, Барыта норуотун туһуттан... Кини суолу солоото, Барыбыт сүрэҕэр хатанан. ...Эрэнэбин мин испэр, Туохтан да толлон турбат, Саҥа Саха үөскээбитигэр - Ол Кини үтүөтэ! ...Тулаайахсыйда Сахам Сирэ Улуу киһитин сүтэрэн, Үйэлэргэ Ил Дархан Аата куруук ааттаныа! Покровскай к. Эргис.
08.08.2023 |
