Саргы Куо кинигэтэ Москубаҕа сүрэхтэннэ
Арассыыйа суруйааччыларын сойууһун чилиэнэ, бэйиэт, биир дойдулаахпыт Саргылана Гольдерова- Саргы Куо хоһооннорун хомуруунньуга дойду тэбэр сүрэҕэр сүрэхтэннэ. Амма суруйааччыларын айымньылара Арассыыйа бырайыагар киирдилэр.
Москуба куоракка Гостинай дворга Non\Fiction диэн кинигэ быыстапката ыытылынна. Бу быыстапка чэрчитинэн “МестоимениЯ” диэн Арассыыйа норуоттарын аныгы кэм прозатын уонна поэзиятын саҥа сериялара тахсыбытын ааҕааччыларга билиһиннэрдилэр. Бу улахан литературнай тэрээһиҥҥэ биир дойдулаахпыт, бэйиэт, Арассыыйа суруйааччыларын Сойууһун чилиэнэ, СӨ култууратын үтүөлээх үлэһитэ Саргылана Гольдерова – Саргы Куо “Благословение Иэйиэхсит” диэн кинигэтин сүрэхтэниитэ буолла.
“Бу Москуба куоракка ыытыллыбыт тэрээһиҥҥэ хас да буолан сырыттыбыт. Саргылана Васильевна саҥа тахсыбыт кинигэтигэр кини хоһоонноро нууччалыы тылбаастанан киирдилэр. Онон икки тылынан хоһооннор бэчээттэннилэр. Маны сэргэ көрсүһүү өссө Литература институтугар эмиэ ыытылынна. Арассыыйа норуоттарын “МестоимениЯ” диэн бырайыактарынан “Дружба народов” уонна “Аврора” диэн сурунааллар саҥа нүөмэрдэрин эмиэ билиһиннэрии буолла. Ол курдук бу сурунаалларга биир дойдулаахпыт Дмитрий Наумов уонна мин айымньыларым киирдилэр. Бу тэрээһини Арассыыйа суруйааччыларын уонна издателлэрин Ассоцията тэрийэн ыытар”, - диэн Саха сирин суруйааччыларын Ассоциациятын бэрэссэдээтэлэ Олег Сидоров-Амгин Москуба куораттан сырдатта.
Биир дойдулаахтарбытын айымньылара Арассыыйа таһымнаах бырайыакка киирбиттэринэн истиҥник эҕэрдэлиибит, өссө саҥа үрдэллэри баҕарабыт.
«Слово объединяет народы».
Презентация новой серии современной прозы и поэзии народов России «Местоимения» и специальных выпусков журналов «Дружба народов», «Аврора» в Литературном институте имени А. М. Горького
Встреча с участниками проекта «МестомениЯ» и главными редакторами журналов «Аврора» и «Дружба народов» в Торговом Доме «Библио-Глобус»
Творческие встречи с авторами и переводчиками книг серии «МестоимениЯ» в конференц-зале Ассоциации союзов писателей и издателей
