Наталья Харлампьева Алексей Томтосов туһунан кинигэтин сүрэхтэниитэ буолла
Бүгүн, алтынньы 29 күнүгэр, Национальнай бибилэтиэкэ историческай саалатыгар норуот поэта Наталья Харлампьева «Жизнь замечательных людей» серия чэрчитинэн бэчээттэммит Алексей Томтосов туһунан кинигэтин сүрэхтэниитэ буолла.
Алексей Александрович Томтосов — Саха сиригэр уонна Россия историятыгар бэйэтин аатын-суолун киллэрбит биллиилээх государственнай уонна общественнай деятель, учуонай уонна политик. Кинигэ кини олоҕор уонна айар үлэтигэр ананна.
«Алексей Томтосов саха дьонуттан ситэриилээх былааска саамай үрдүкү дуоһунаска үлэлээбит киһи буолар, саха культуратын, искусствотын, литературатын уустук кэмҥэ салайааччы быһыытынан сүрүннээн кэлбитэ. Кинигэ олоҕу үйэлээх өйдөбүллэр нөҥүө сыаналаан, ырыҥалаан көрөргө тирэх буолар диэн сыаналыыбын. Кинигэни норуот суруйааччыта суруйбута суолтатын өссө дириҥэтэр», – диэн «Чолбон» сурунаал бас эрэдээктэрэ, Саха сирин суруйааччыларын союһун бэрэссэдээтэлэ Гаврил Андросов эҕэрдэлээтэ.
