Өксөкүлээх — Болгария түмэлигэр
Кулун тутар 26 күнүгэр Болгария Плиска куоратыгар А.Е.Кулаковскайга-Өксөкүлээх Өлөксөйгө "Музей Кириллицы" түмэлигэр, Аан дойду ааттаах-суоллаах суруйааччыларын кэккэтигэр, Саха Улуу суруйааччытыгар бюст туруорулунна.
Аһыллыы сиэрин-туомун, алгыһын, түмүк оһуохайын Саха норуодунай артыыһа Дмитрий Артемьев толордо.
Тэрээһиҥҥэ суруйааччы хаан уруу аймахтара: Раиса Реасовна, Лариса Реасовна Кулаковская кыттыыны ыллылар.
Бюст автора Афанасий Романов.
Улуу киһибит Мэҥэ бэлиэтэ ыраахтан кэлэр ыалдьыттары айхаллыы, Саха норуотун билиһиннэрэ, арчылыы туруохтун!
