Эдэр суруйааччылар XXIII сүбэ мунньахтара түмүктэннэ
Өрөспүүбүлүкэтээҕи эдэр суруйааччылар ХХШ сүбэ мунньахтарын икки күннээх үлэтэ проза, поэзия, драма, кириитикэ, оҕо литературата уонна хотугу норуоттар литературалара диэн бөлөхтөргө арахсан ыытылынна.
Ол курдук, эдэр суруйааччылары «Чолбон», “Полярная звезда” сурунаалларга бэчээттэнэргэ уонна кинигэ таһаарыытыгар, ону сэргэ айар командировкаларга мэктиэлээтилэр. Ол курдук проза секциятын бастыҥынан — Валерий Андросов буолла. кинини кинигэ бэчээттэтэригэр мэктилээтилэр, Ульяна Захарованы айар командировкаҕа мэктиэлээтилэр.
Поэзия секциятыгар – Василий Рожин бастыҥынан буолан кинигэ бэчээттэнииитигэр мэктиэлэннэ, оттон Сюзанна Кондакова айар командировкаҕа мэктиэлэннэ.
Хотугу норуоттар литератураларыгар – бастыҥынан Алена Колесова талыллан кинигэ бэчээттэниитигэр мэктиэлэннэ. Валентина Волкова айар командировкаҕа, хотугу норуоттар литератураларын арыйыытынан Людмила Курилова буолла, кини айымньыта “Полярная звезда” сурунаалга бэчээттэнргэ мэктиэлэннэ.
Драма секциятын арыйыытынан Евгений Беляев буолла. Кини айар командировка сэртипикээтин тутта. Бастыҥынан буолбут Илья Семенов айымньыта Олоҥхо тыйаатырыгар уус-уран ааҕыыга мэктиэлэннэ. Ону таҺынан Игнатий Слепцов айымньыта «Чолбон» сурунаалга бэчээттэнэргэ мэктиэлэннэ.
Оҕо литературата – Бастыҥынан Алена Колосова буолан кинигэ бэчээттэниитигэр мэктиэлэннэ. Сардаана Гаврильева айар командировкаҕа мэктиэлэннэ. МАрия винокурова, Мусьяна Сосина — «Чолбон “сурунаалга айымныьалара бэчээттэнэргэ мэктиэлэннилэр.
Кириитикэ секциятыгар – бастыҥ үлэлэринэн Светлана Самсонова – Сиибиктэ, Татьяна Андросова буоллулар. Ону сэргэ, айар командировкаҕа Олимпиада Давыдова мэктиэлэннэ. Экспиэртиир сүбэ Оксана Манчурина, Аркадий Самсонов, Яков Алексеев үлэлэрин Чолбон сурунаалга бэчээттэнэргэ мэктиэлээтэ.
Нууччалыы тыллаах литература секциятыгар кыттыбыт Максим Эверстов Химкигэ буолар Бүтүн Арассыыйатааҕы эдэр литератордар мунньахтарыгар мэктиэлэннэ. Уулжан Даулетбекова – айар командировкаҕа мэктиэлэннэ. Ону таһынан Саргылана Сорошева, Надежда Алаганчакова. Екатерина Кычкина, Виктор Харлампьев «Полярная звезда » сурунаалга бэчээттэнэргэ мэктиэлэннилэр.
