А. Д. Неустроева 120 сылын бэлиэтиир тэрээһиҥҥэ ыҥырабыт
Ытыктабыллаах Сахабыт сирин олохтоохторо, биир дойдулаахтарбыт!
Кулун тутар 10 күнүгэр, күнүс 15:00 ч. Дьокуускай куоракка, Ларионов уулуссатын 12а аадырыһыгар 3 этээс 302 хоһугар (Smart-библиотека им. Н. Д. Неустроева) Smart-библиотекаҕа саха литературатын төрүттэспит драматург, прозаик, публицист, сырдатааччы Н. Д. Неустроев аатын иҥэриини бэлиэтээһин уонна балта, саха дьахтар дьахталларыттан бастакы ССРС суруйааччыларын сойууһун чилиэнэ, оҕо суруйааччыта, прозаик, фольклорист, тылбаасчыт, суруналыыс А. Д. Неустроева 120 сылын бэлиэтиир үөрүүлээх тэрээһиҥҥэ ыҥырабыт.
Тэрийээччилэр:
- Саха сирин суруйааччыларын сойууһа,
- "Чолбон" сурунаал редакцията,
- Дьокуускай куораттааҕы "Таатта түмсүү",
- Таатта улууһун "Алдан нэһилиэгэ" тыа сирин түөлбэтэ,
- "Кытыл" норуот айымньытын дьиэтэ,
- Н. Д. Неустроев аатынан Уус Таатта орто оскуолата.
Программаҕа:
- Ньукуола таҥара дьиэтин тэлгэһэтигэр баар Неустроевтар мэҥэ өйдөбүнньүктэригэр сүгүрүйүү сиэрэ-туома.
- Убайдыы-балыс суруйааччылар Николай уонна Анна Неустроевтар айар үлэлэринэн быыстапка.
- Саха дьахталларыттан бастакы ССРС Суруйааччыларын сойууһун чилиэнэ Анна Денисовна Неустроева төрөөбүтэ 120 сылыгар аналлаах үөрүүлээх мунньах.
- Н. Д. Неустроев аатынан орто оскуолатын үөрэнээччилэрин толорууларыгар А.Д. Неустроева айымньытыттан инсценировка, ырыа-тойук.