IV өрөспүүбүлүкэтээҕи«Айар ыллык» оҕоҕо аналлаах уус-уран литературнай айымньы куонкуруһун түмүгэ
Төрдүс төгүлүн ыытыллыбыт «Айар ыллык» куонкуруска 92 үлэ киирдэ. Киирбит айымньылары Саха сирин суруйааччыларын Ассоциациятын бэрэссэдээтэлэ, ХИФУ филологическай факультетын суруналыыстыкаҕа салаатын сэбиэдиссэйэ, СӨ духуобунаска Академиятын академига Олег Сидоров, “Кэскил” оҕо кыһатын дириэктэрэ Ольга Семенова салайааччылаах дьүүллүүр сүбэ сыаналаан, кэпсээн, остуоруйа (саха, нуучча тылынан) уонна остуоруйа тылбааһа көрүҥнэринэн түмүк таһаарда.
«Айар ыллык» куонкурус оҕоҕо төрөөбүт тылга тапталы иҥэрэр, кини истэр, саҥарар, өйдүүр дьоҕурун сайыннарарга сөптөөх айымньылар айыллан тахсыыларын, айар, суруйар талааннаах дьону көҕүлүүр, өйүүр, оҕо литэрэтиирэтигэр суруйар саҥа ааттары булар сыаллаах-соруктаах тэрилиннэ.
Куонкуруһу тэрийээччинэн СӨ Култууратын уонна духуобунай сайдыытын министиэристибэтэ, Саха сирин суруйааччыларын Ассоциацията, СӨ сибээс уонна информационнай технологиялар министиэристибэтэ, Н.Е.Мординов-Амма Аччыгыйа аатынан «Кэскил» оҕо бэчээтин кыһата буолаллар.
“Сахалыы тылынан кэпсээн»
1 миэстэ – Елена Петровна Прокопьева.
2 миэстэ – Татьяна Петровна Находкина.
3 миэстэ – Клавдия Ивановна Васильева.
“Сахалыы тылынан остуоруйа”
1 миэстэ – Григорий Михайлович Федотов.
2 миэстэ – Капиталина Константиновна Семёнова.
3 миэстэ – Мария Ивановна Винокурова.
«Нууччалыы тылынан кэпсээн”
1 миэстэ – Сергей Владимирович Москвитин.
2 миэстэ – Альбина Ивановна Кириллова.
3 миэстэ – Валентин Владимирович Егоров.
«Нууччалыы тылынан остуоруйа”
1 миэстэ – Джулистан Ильич Ефремов.
2 миэстэ – Валентин Владимирович Егоров.
3 миэстэ – Ираида Гаврильевна Попова.
«Остуоруйаны тылбаастааһын”(нууччалыыттан сахалыы)
1 миэстэ – Зинаида Иннокентьевна Топурко.
2 миэстэ – Анастасия Марковна Егорова.
3 миэстэ – Раиса Николаевна Кардашевская.
«Остуоруйаны тылбаастааһын”(сахалыыттан нууччалыы)
1 миэстэ – Анна Дорофеевна Иванова.
2 миэстэ – Мария Прокопьевна Федотова.
Куонкурус кыайыылаахтара харчынан бириэмийэнэн наҕараадаланнылар.
Ааҕыы оҕо өй-санаа өттүнэн сайдыытыгар сүҥкэн оруолу оонньуур. Хас биирдии киһи оҕо сылдьан аахпыт айымньылара сааһын тухары арыаллыыллар, умнуллубат өйдөбүлү хааллараллар.
