Литературная Якутия


 

Саха Өрөспүүбүлүкэтин «Сахабэчээт» автомнай тэрилтэтэ
«Саха сирин суруйааччылара» ассоциация
Саха сирин театральнай деятелларын сойууһа
«Дьохсоҕон нэһилиэгэ» муниципальнай тэриллии
 

«ЧОЛБОН» СУРУНААЛ
САБЫЫЛААХ ЛИТЕРАТУРНАЙ КУОНКУРУС БИЛЛЭРЭР

1. Уопсай балаһыанньата:

1.1. «Чолбон» сурунаал редакцията Саха Өрөспүүбүлүкэтин «Сахабэчээт» автомнай тэрилтэтин, «Саха сирин суруйааччылара» ассоциация уонна Саха сирин театральнай деятелларын сойууһун өйөбүллэринэн уус-уран литература биир көрүҥүгэр – дыраамаҕа сабыылаах куонкурус биллэрэр;

1.2. Куонкуруска дыраама, трагедия, комедия, о.д.а. улахан айымньылар көрүллэллэр;

1.3. Куонкуруска кыттааччыга сааһынан, айар таһымынан хааччах суох.

2. Куонкурус сыала-соруга:

2.1. Саха уус-уран литературатыгар уонна театральнай искусствотыгар дьон-сэргэ интэриэһин тардыы;

2.2. Театрга, ааҕыыга көҕү уһугуннарыы;

2.3. Литература уонна театр киһиэхэ үтүө сабыдыалын өйдөөн, эргиччи сайдыылаах, духуобунай өттүнэн баай, сиппит-хоппут личность тахсыытыгар дьайыы;

2.4. Дырааманы айар дьарыкка көҕүлээһин.

3. Усулуобуйата:

3.1. Куонкуруска киирэр үлэ ураты, сонун, сыанаҕа турарга барсар, ааҕыллымтыа буолуохтаах;

3.2. Айымньы сүрүн идеята толору, итэҕэтиилээхтик арыллыахтаах;

3.3. Көрөөччү уонна ааҕааччы киэҥ араҥатыгар туһуланыахтаах;

3.4. Айымньы көмпүүтэргэ таҥыллар, эрэдээксийэҕэ А4 кээмэйдээх кумааҕыга 5 экземпляринэн, ону таһынан диискэҕэ эбэтэр электроннай тэриллэргэ туттарыллар;

3.5. Куонкуруска киирбит айымньыларга ааптардар толору ааттарын-суолларын буолбакка, псевдонимнарын эрэ суруйаллар. Дьиҥнээх ааттарын-суолларын, олорор аадырыстарын, төлөпүөннэрин нүөмэрин, пааспардарын дааннайын кытта ИНН уонна СНИЛС куоппуйаларын туспа кэмбиэргэ уган, тиийиэхтээх аадырыһын эрэ суруйан ыыталлар. Ол кэмбиэрдэр Дьүүллүүр Сүбэ кыайыылаахтары быһаарбытын эрэ кэннэ арыллаллар.

4. Үлэни киллэрии бэрээдэгэ:

4.1. Үлэни куонкурус балаһыанньата бэчээккэ тахсыбыт күнүттэн 2017 сыл кулун тутар 17 күнүгэр диэри бу аадырыска ыытыҥ:

677000, Дьокуускай к., Орджоникидзе уул. 31, 114 эбэтэр 116 хос,

Е-mail: redcholbon@mail.ru;

4.2. Куонкуруска киирэр үлэ ханна да бэчээттэммэтэх, сыанаҕа турбатах уонна атын куонкуруска кытта илик буолуохтаах;

4.3. Куонкурус балаһыанньатыгар сөп түбэспэт, эппиэттээбэт үлэ көрүллүбэт.

5. Кыайыылаахтары быһаарыы уонна бэлиэтээһин:

5.1. Кыайыылаахтары быһаарар Дьүүллүүр Сүбэ састааба «Сахабэчээт» автономнай тэрилтэ генеральнай дириэктэринэн, «Саха сирин суруйааччылара» ассоциация, Саха сирин театральнай деятелларын сойууһун бэрэссэдээтэлэринэн уонна «Дьохсоҕон нэһилиэгэ» муниципальнай тэриллии баһылыгынан бигэргэнэр;

5.2. Бастыҥ үлэлэр Дьүүллүүр Сүбэ быһаарыытынан анал дипломунан, сыаналаах бэлэхтэринэн наҕараадаланыахтара уонна «Чолбон» сурунаалга бэчээттэниэхтэрэ;

5.3. Куонкурус түмүгэ Аан дойдутааҕы театр күнүгэр – кулун тутар 27 күнүгэр тахсыаҕа.