Литературная Якутия


 
10.12.2017
 

«Саха сирин суруйааччылара» Ассоциация
«Хатан» оҕо аймах сурунаала
биллэрэллэр

«Эрдэҕэс саастарбыт кэпсээннэрэ»

орто, улахан кылаас оҕолоругар аналлаах уус-уран кэпсээннэри суруйууга күрэс
Сыала-соруга:
  1. Эрдэҕэс саастаах (подростоктарга) оҕолорго аналлаах уус-уран айымньы аныгы эйгэтин үөскэтии;
  2. Сахалыы кэпсээнинэн айымньыны суруйар дьону өйөөһүн, көҕүлээһин;
  3. Оскуола оҕолоругар суруйааччы ыстаатыһын, оруолун үрдэтии;
  4. “Хатан” сурунаал уус-уран литэрэтиирэ эйгэтигэр суолтатын дириҥэтии.

Кытталлар: ким баҕалаах, сааһынан хааччах суох.

Кэпсээҥҥэ ирдэбиллэр:
  1. Кэпсээн орто уонна улахан кылаас оҕолоро ааҕалларыгар сөптөөх ис хоһоонноох, ураты тиэмэлээх, баай тыллаах-өстөөх буолуохтаах.
  2. Айымньы бэчээттэммитинэн уонна электроннай көрүҥүнэн киириэхтээх.
  3. Бичигэ (шрифт) сахалыы буолара булгуччулаах.
  4. Кэпсээн ааттаах, ааптарын аата (+хос аата), аадырыһа, төлөпүөнэ толору ыйыллыбыт буолуохтаах.
  5. Биир ааптар төһө баҕарар кэпсээни ыытара көҥүл. Сыанабылга биир кэпсээнэ хапсар.
  6. Киирбит айымньылартан “Хатан” сурунаалга эрэдээксийэлэнэн, ааптара ыйыллан, хаһан баҕарар бэчээттэниэхтэрин сөп.
Наҕараадалааһын:
  1. “Саха сирин суруйааччылара” Ассоциациятыттан, “Хатан” сурунаал эрэдээксийэтэ састааптаах дьүүллүүр сүбэ үлэлэри сыаналыыр.
  2. Үс сүрүн бириис көрүллэр: 1-гы миэстэ – 20 тыһ. солк. 2-с миэстэ – 15 тыһ. солк. 3 миэстэ – 10 тыһ. солк.
  3. Дьүүллүүр сүбэ биир эмит миэстэҕэ бириис олохтуо суоҕун сөп.
  4. Анал ааттаан-суоллаан (номинация) эбии биһирэм бириистэр олохтонуохтара.

Киирбит үлэлэри төннөрбөппүт. Ааптар үлэтин бу күрэскэ ыытта да, “Хатан” сурунаалга, эрэдээксийэ таһаарар атын да таһаарыыларыгар (реклама тиэкиһигэр, уус-уран кинигэҕэ, хомуурунньукка, о.д.а.) хаһан баҕарар туһанарга (бэчээттииргэ), тарҕатарга быраабын туттарбытынан ааҕыллар.

Үлэлэргитин маннык аадырыска ыытаҕыт: 677000, Дьокуускай к., “Хатан” сурунаал эрэдээксийэтэ. “Кэпсээн күрэһэ” диэн бэлиэтиигит. Киров уул., 18. “Бизнес-киин”, В блок. 709-с хос. Төл.: 34-47-40, 42-21-08. khatan_@mail.ru.

Болдьоҕо: 2018 сыл кулун тутар 1 к. диэри тутабыт. Кыайыылаахтар бириистэрин сааскы сынньалаҥ кэмигэр “Хатан” сурунаал улахан дьоро тэрээһинигэр тутуохтара.