БОЛҔОЙУҤ!
«ЧОЛБОН» СУРУНААЛ 90 СЫЛЫН КӨРСӨ
ЛИТЕРАТУРНАЙ КУОНКУРУС БИЛЛЭРИЛЛЭР
1. Уопсай балаһыанньата
1.1. «Чолбон» сурунаал 2016 сыл алтынньы 10 күнүгэр төрүттэммитэ 90 сылын туоларынан «Саха сирин суруйааччылара» ассоциация уонна сурунаал редакцията литератураҕа куонкурус биллэрэр;
1.2. Куонкуруска дьоҕус сэһэн, биир тиэмэҕэ хоһоон бөлөҕө көрүллэллэр.
1.3. Куонкуруска кыттааччыга сааһынан хааччах суох.
2. Куонкурус сыала-соруга
2.1. Саха литературатыгар дьон-сэргэ интэриэһин тардыы.
2.2. Ааҕыыга көҕү уһугуннарыы.
2.3. Литература уонна ааҕыы киһиэхэ үтүө сабыдыалын өйдөөн, эргиччи сайдыылаах, духуобунай өттүнэн баай, сиппит-хоппут личность тахсыытыгар дьайыы.
2.4. Айар, суруйар дьарыкка көҕүлээһин.
3. Усулуобуйата
3.1. Куонкуруска киирэр үлэ сонун, ураты, ааҕыллымтыа буолуохтаах;
3.2. Айымньы сүрүн идеята толору, итэҕэтиилээхтик арыллыахтаах;
3.3. Ааҕааччы киэҥ араҥатыгар туһуланыахтаах;
3.4. Айымньы көмпүүтэргэ таҥыллар, эрэдээксийэҕэ А4 кээмэйдээх кумааҕыга, ону таһынан диискэҕэ туттарыллар;
3.5. Куонкуруска киирбит айымньыларга ааптардар толору ааттарын-суолларын буолбакка, псевдонимнарын эрэ суруйаллар. Дьиҥнээх ааттарын-суолларын, олорор аадырыстарын, төлөпүөннэрин нүөмэрин, пааспардарын дааннайдарын кытта ИНН уонна СНИЛС куоппуйаларын туспа кэмбиэргэ уган, тиийиэхтээх аадырыһын эрэ суруйан ыыталлар. Ол кэмбиэрдэр Дьүүллүүр Сүбэ кыайыылаахтары быһаарбытын эрэ кэннэ арыллаллар.
4. Үлэни киллэрии бэрээдэгэ
4.1. Үлэни куонкурус балаһыанньата бэчээккэ тахсыбыт күнүттэн 2016 сыл балаҕан 20 күнүгэр диэри бу аадырыска ыытыҥ:
- 677000, Дьокуускай к., Орджоникидзе 31, 114 эбэтэр 116 каб.,
- Е-mail: redcholbon@mail.ru
4.2. Эрдэ бэчээттэммит айымньы кириитикэҕэ ыстатыйа хос киллэриллибэт;
4.3. Куонкурус балаһыанньатыгар сөп түбэспэт, эппиэттээбэт үлэ көрүллүбэт.
5. Кыайыылаахтары быһаарыы уонна бэлиэтээһин
5.1. Кыайыылаахтары быһаарар Дьүүллүүр Сүбэ састааба «Саха бэчээт» автономнай тэрилтэ генеральнай дириэктэринэн уонна «Саха сирин суруйааччылара» ассоциация бэрэссэдээтэлинэн бигэргэнэр;
5.2. Бастыҥ үлэлэр Дьүүллүүр Сүбэ быһаарыытынан анал дипломунан, сыаналаах бэлэхтэринэн наҕараадаланыахтара уонна «Чолбон» сурунаалга бэчээттэниэхтэрэ.
